2021-2022 ուսումնական տարում կրթահամալիրում
իրականացվում է 9-րդ դասարանների մասնագիտական կողմնորոշման
մեկամյա ծրագիր, որի շրջանակներում բնագիտության լաբորատորիան ներկացնում է
բնագիտական առարկների ուսուցման առանձնահատկությունները, որոնք սովորողներին
հնարավորություն կտան լիարժեք բացահայտել բնագիտական ուղղությամբ ուսումը
շարունակելու, ինչպես նաև հետագա մասնագիտության մեջ բնագիտական բաղադրիչները
կիրառելու հեռանկարները: Սույն ծրագրի շրջանակներում, որպես
բնագիտական առարկաների ուսուցման կարևոր նպատակ
դիտարկվում է կյանքում օգտագործվող հմտությունների փոխանցումը:
Վերհիշյալ ծրագրի արդյունքների ամփոփման նպատակով կազմակերպվում է 9-րդ դասարանցիների բնագիտական
հմտությունների ամփոփիչ ստուգատես:
Ստուգատեսը անց է կացվում կրթահամալիրի բնագիտության կենտրոնում՝ նախօրոք մշակված
ծրագրով, որը ներառում է բնագիտական բոլոր առարկաները:
Ըստ առարկաների ներառվում են հետևյալ
ուղղությունները.
·
Ֆիզիկա առարկայից
հմտությունների ստուգումը ներառում է էլեկտրականությամբ աշխատող սարքերի
անսարքությունների ստուգման ու վերացման աշխատանքներ: Առաջադրանքներ օպտիկական
սարքերի հետ:
·
Քիմիա-կյանքում հանդիպող
քիմիական երևույթների բացատրություններ, լաբորատոր փորձերի իրականացումներ,
լաբորատորիայում անվտանգ գործունեության սկզբունքներ:
·
Կենսաբանություն-առողջ
ապրելակերպին ուղղված առաջադրանքներ, առաջին բուժօգնություն տարբեր պայմաններում,
մանրադիտակներով ուսումնասիրության կատարում:
·
Աշխարհագրություն -
աշխատանք թվային քարտեզների հետ, պատկերացումներ ապարների ու նմուշների մասին,
կողմնացույցի օգտագործում, կողմնորոշում տեղանքում, բացատրություններ Երկրի
պտույտի ու նրա հետևանքների մասին օրբիտարիումի միջոցով:
Комментариев нет:
Отправить комментарий